巧手製作 (已結業)

平時行街發現巧手製作嘅分店越開越多，可惜屋企附近冇分店。今次喺九龍灣行街行到攰，就決定係呢間分店買外賣返屋企做晚餐，貪佢方便又平。見到餐牌有呢幾款香煎嘅包類，但今次因為買晚餐，所以就冇揀到任何麵包類，但餐牌圖片都好吸引，下次早餐可以買來試吓。見到佢哋有好籠蒸籠載着好多蒸飯，就同母親大人一人揀咗一款。我就揀咗我最愛嘅章魚肉餅飯，肉餅嘅份量呢個價錢來講，絕對唔算細，而且依種好慷慨咁夾左好多椰菜俾我，肉餅章魚味好出，幾好食。母親大人就揀左北菇滑雞飯，試咗一舊雞，幾滑幾嫩，蒸飯來講質素真係幾好。另外見佢仲有好多款點心，所以我哋就揀咗燒賣，牛肉球同雞紮。平時去酒樓一定會叫呢三款，可惜已經好耐冇時間去茶樓慢慢嘆點心，所以有得外賣返屋企真心幾方便。