Lucky•綠 (已結業)

天氣熱到一個點！好需要飲啲冰涼嘅飲品😂經過彌敦道呢間茶飲店，見到主打新鮮水果同蔗糖製造，一於買返杯解吓暑。 滿杯奇異果🥝用新鮮奇異果整嘅鮮果汁，冇添加糖，飲得出好fresh，酸酸微微咁。因為真係用原個奇異果，有好多果籽，好鍾意咬落去卜卜脆嗰種感覺。 滿杯菠蘿🍍同樣係用新鮮水果，菠蘿本身都比較甜，所以飲落都甜。滿滿嘅菠蘿果肉，口感豐富。 香脆牛奶卷🥛外脆內軟，外層厚薄適中，入面牛奶口感軟糯，唔會太甜。