鮨和居食屋

好耐冇食日本野，今日特別想食魚生，就嚟呢間鮨和居食屋試下

我地叫左個特上刺身拼盤，有三文魚，吞拿魚，平目魚，甜蝦，帶子同鰤魚。每款刺身都好新鮮好有光澤切得好厚新，最鐘意佢個拖羅，啲脂肪紋好靚好平均，食落入口即溶。帶子好鮮甜，爽口彈牙。

天婦羅都係每次食日本野都必食，我地叫既係雜錦天婦羅，咁就可以食唔同嘅野。呢度既天婦羅粉漿夠薄身，炸得好香脆，入面有食物原本既味道唔會得炸粉嘅味。

串燒粟米燒得表面少少焦，粟米粒粒都好飽滿好清甜。