豊洲水産海鮮丼専門店 (已結業)

多得某雜誌介紹，慕名而來。今次已經係第二次嘗試了，早一星期試業時做半價優惠，來到名額已滿，一星期後再接再厲，叫做可以有隊可以排，等左一個鐘唔使算幸運。平時食得太多刺身丼，覺得無咩特別，點左個松葉蟹丼，始終香港少有。等緊途中，坐吧枱，望吓電視介紹，轉吓眼就有得食。味噌湯好足料大碗！好大隻。。蟹腳！完全唔使自己剪殼，睇得出日本餐廳的貼心。啖啖蟹肉，伴新鮮海水香味，非常清甜 。鮪魚已攪碎成溶，伴即磨芥辣，加多少少鼓油，簡簡單單，唔使太多花巧調味料，配上珍珠米底，為我的Happy Friday劃上美好回憶。