特色四格鍋HKD268
有四川麻辣鍋、藥膳花雕花膠醉雞鍋、黑松露野菌鍋、蕃茄濃湯海鮮鍋
四款湯底隻隻都超級足料！完全係喜出望外，首先四川麻辣裡面有埋鴨血同蜂巢豆腐，索哂啲麻辣味，辣得過癮👏🏻 藥膳花雕花膠醉雞鍋配上碟花雕酒醃好嘅鮮雞，醃得好夠味酒香夠濃。黑松露野菌鍋有超多國菌，一啲都唔馬虎，呢個係估唔到佢咁香菌味，成個鍋底超夾啲蔬菜肉類，大推！蕃茄濃湯海鮮鍋裏面都有好多海鮮，蝦、墨魚仔、青口、魷魚等。
淨係呢個四格鍋足料程度已經抵讚♥️👍🏻
再嗌左唔同配料🤤
掛架頂級安格斯牛
新鮮豬頸肉
爽口鮮蝦雲香（4粒）
流沙黃金蝦丸（4粒）
蜂巢豆腐
自家製脆炸響鈴
大讚個脆炸響鈴，脆卜卜新鮮即炸，誠意滿滿！另外個手打流沙黃金蝦丸，大大粒好彈牙，裡面有流沙味道超夾🔥🎉
掛架安格斯牛肉質都唔錯，配上辣同其他湯頭都好正，淥幾秒岩岩好牛味都好出。最後必點番個蜂巢豆腐同薯粉，索哂所有湯底精華，超滿足。第一次打邊爐係四款湯底都咁中意，難分高下😎🤭大推呀！
