有蒸氣 海鮮石鍋專門店 (已結業)

今日同朋友尖沙咀食海鮮蒸氣石鍋，蒸海鮮係一個我幾喜愛嘅選擇，因為覺得比較健康，呢間係朋友介紹嘅，座位闊落，店員嘅服務都好好，海鮮新鮮，佢哋有幾款二人套餐選擇，由於我比較鍾意食蠔，所以就揀咗呢個啦黑松露蒸蛋😋😋第一次喺蒸氣火鍋店食到，蛋好滑，黑松露好香沙包蜆、竹串海中蝦兩樣都非常鮮味，蜆唔會有沙大連鮑魚鮑魚上面加咗啲新鮮蟲草花一齊蒸，肉質彈牙，配上淡淡嘅蟲草花香味，好味日本元貝元貝非常大隻, 用蒜蓉粉絲蒸，非常惹味清蒸美國桶蠔😍😍到我至愛嘅蠔啦, 完全冇失望, 大大隻, 鮮味無窮薑蔥蒸鮮魷除咗鮮魷之外，仲有豆卜一齊蒸, 鮮魷爽脆手剁豬肉丸👍🏼👍🏼及墨魚丸墨魚丸好彈牙，但我更喜歡手剁豬肉丸，加咗少少梅菜落去，味道豐富, 更勝一籌金銀蒜蒸勝瓜勝瓜非常鮮甜菜乾排骨粥底最後個粥底非常綿，菜乾味道濃郁，為呢餐畫上一個完美嘅句號