阿爺八鮮鍋 (已結業)

今晚同幾個朋友去了旺角的阿爺粥膳八鮮鍋食海鮮，餐廳有幾款不同價錢的餐牌以供選擇，我們就點了這個海鮮火焰鍋，每位埋單都是二百多元。海鮮有七款，包括了蟹、鮑魚、元貝、貴妃蚌、蝦、蜆及沙白，海鮮十分新鮮，其中蟹還是即叫即劏，上枱時隻蟹腳還動。店員先把雞肉爆香，再加上蟹、蝦等海鮮，炒香後再灑上酒及點火，燒了一陣再淋上南瓜湯底，等到海鮮熟透後就可以食啦！所有海鮮都十分新鮮，蝦肉爽彈、蟹肉一個字講完-鮮，蟹膏雖不多，但蟹汁溶入湯底，以至湯底有濃郁的蟹鮮味，鮑魚夠腍。食完海鮮可以揀五款火鍋料，火鍋配料就比較普通，肥牛比較韌，油脂不夠，反而豬爽肉較腍，魚皮餃及牛丸都是急凍貨，味道較一般，炸鮮奶反而幾好味，有鍊奶香又不會太甜。最期待的海鮮粥底，集中了所有海鮮的精華，鮮甜味十足。