八川壽司

今次係第二次幫襯呢間日式小店，價位尚可接受，但就唔算話太抵食。呢度嘅環境好寬敞，有好多slam dunk擺設，睇嚟老闆係粉絲。

今次同男朋友嚟嗌左兩個特選刺身丼，如果冇記錯應該係$100左右一個，份量比較細，所以要另外加啲小食先夠飽，不過值得一讚嘅係，啲刺身的確係幾新鮮幾好食

特選刺身丼

另外嗌咗個芝士三文魚卷，上面嗰層芝士好搶味，不過整體來講都幾好食！

芝士三文魚卷

同埋好鍾意呢度啲店員，服務態度勁好，仲記得上次嚟嘅時候落大雨，好彩有店員好體貼咁俾咗把遮我地。以後得閒都會嚟幫襯