Danish Bar

話說最近轉左新工😩要去到海港城返，平時食飯都食大家樂，但突然好想食麵包類食物🤣，於是決定係食多次係APM食過既danish bar!

咁岩下就3點半左右去到，岩岩好有新鮮出爐既香腸丹麥條，二話不說即刻黎一條！話哂都新鮮出爐♨️。

新鮮出爐果然係唔同D，食落脆卜卜，有小小甜，仲有d香，咬落先發現入面好似有小小香草咁，食落更惹味。

到夜晚果陣又口癢，於是臨緊8點半又上去買左條火腿芝士味。但係就凍哂，咬落芝士味都OK出，建議可以叮叮佢先食🤜🏻😸。