韓 炸雞 & 小食 (已結業)

我諗大多數人都對炸雞無咩抵抗力，K11 Musea美食街樓層、一連3間都係韓國小食店，我地完全就俾【HANChicken & Snack】新鮮出爐既炸鷄所吸引！我地就叫左原味炸鷄套餐，套餐包括原味有骨炸鷄、果醬無骨炸鷄、炸薯條。因爲係即叫即炸，所以都需要少少時間等候。薯條雖然係伴碟，但炸得岩岩好，唔會過火、但又夠脆。原味有骨炸鷄含兩隻雞翼、兩個鷄腿、鷄胸同鷄上腿就斬件炸。唔會好乾，完全無油膩感、好香脆，就算無汁都好夠味。果醬無骨炸鷄非常juicy，粉衣完全唔厚，啖啖肉！果醬唔會太甜太濃，但又非常夠味。