每個月都唔少得試壽司郎新品🆕😄今個月係「貝、蝦、吞拿魚」主題🍣
💭濃厚蝦味噌拉麵($32)
的確有好香嘅蝦味🦐，有5隻蝦，湯底好濃厚味噌味，食落好鮮好香，份量都足夠😋
💭青森產熟帆立貝配三文魚籽($17）
呢款真心推薦👍🏻原本以為得一件，但一碟係有2件架😮帆立貝大大粒，配三文魚籽好開胃💁🏻♀️又抵又好食‼️
💭炸藍鰭三文魚心頂($17）
加咗包七味粉🧂即刻好味左好多🤭但係真係好！煙！韌！牙力無返咁上下應該會嚼到下巴攰😂
💭特盛海螺($12）
食落係偏爽口，味道正正常常，但個人唔太鍾意🙈
💭赤蝦配芫荽蝦辣醬($12）
作為唔食芫荽嘅人係絕對唔會叫呢款🙊 友人就覺得唔夠重芫荽味😥
💭馬達加斯加生蝦($17）
呢個有趣嘅係熟蝦頭配生蝦🤔但係無乜特別驚喜，叫返蝦三味仲好🦐🦐🦐😂
