影片
更多
2019-07-03
311 浏览
等左一排，終於有機會試下屋企附近新開既西餐廳 Present。對於西餐廳，本人真係真係有份執著，食材上唔上乘好唔好食都係其次，最重要音樂要Chill，環境要舒服唔好有壓迫感既感覺，先係一間我喜歡既西餐廳。正正晚飯時段，坐無虛席，好在一去到就有位唔洗等，急不及待已經要睇Menu，最後一家人點左三個餐：卡邦尼意粉 with 南瓜湯，醬汁豬肋排 拼 薯角，傳統炸魚薯條。點完餐，環觀四周裝修係一貫西餐風格，仿皮製梳化，木紋餐桌，音樂都係以<Michael Learns to Rock> <Westlife>等等為主打(一心期待聽到Beegees點知係無既)，On floor 店員約6位，服務有禮要讚，唯獨係坐既位置對正廚房有啲嘈吵但尚可接受。率先到場既係卡邦尼意粉 With 南瓜湯，意粉碟.....會唔會太大？會突顯份量好似好少咁，不過味道搭夠配料充足，南瓜湯味道適中，開胃首選。醬汁豬肋骨無幾耐亦送到，肉質稍硬但醬汁補救，薯角份量多，大食人士(唔係我)之恩物，可惜另外要求既茄汁直到2046都未有拎比我。醬無拎過黎唔緊要，我要既Fish and Chips已經到左
正正晚飯時段，坐無虛席，好在一去到就有位唔洗等，急不及待已經要睇Menu，最後一家人點左三個餐：卡邦尼意粉 with 南瓜湯，醬汁豬肋排 拼 薯角，傳統炸魚薯條。點完餐，環觀四周裝修係一貫西餐風格，仿皮製梳化，木紋餐桌，音樂都係以<Michael Learns to Rock> <Westlife>等等為主打(一心期待聽到Beegees點知係無既)，On floor 店員約6位，服務有禮要讚，唯獨係坐既位置對正廚房有啲嘈吵但尚可接受。
率先到場既係卡邦尼意粉 With 南瓜湯，意粉碟.....會唔會太大？會突顯份量好似好少咁，不過味道搭夠配料充足，南瓜湯味道適中，開胃首選。
醬汁豬肋骨無幾耐亦送到，肉質稍硬但醬汁補救，薯角份量多，大食人士(唔係我)之恩物，可惜另外要求既茄汁直到2046都未有拎比我。
醬無拎過黎唔緊要，我要既Fish and Chips已經到左(已自動付上醬)，急不及待切開魚塊放入口，已確定唔係普通cheap雞急凍魚柳，不過我獨愛啤酒炸漿既味道，味道不過不失啦，但薯條略嫌炸得有啲過火。
3-7-2019
题外话/补充资料：
飲飽食醉，係時候比下少少個人意見：
Cashier同客人坐既位置略嫌太逼
客人可視角度直接見到廚房
POS設定有進步同修改既空間，唔夠Smooth
跟餐飲品無優惠/無跟餐飲品
客人檯上如果有紙巾就會方便啲
咁根據店員提供同埋我自己觀察，的確開張左唔係好耐既時間，已經做到呢個進度已經唔錯，呢一帶無同類型餐廳已經係一個優勢，要keep住優勢就要靈活求變。
否則只係真係變左人人只會試一次，就再無回頭客
山不轉，路轉；路不轉，人轉。
活在當下，及時行樂
(以上食记乃用户个人意见 , 并不代表OpenRice之观点。)
张贴