1961牛

本身為土瓜灣街坊，知道有新鋪開張，一早 同家人落嚟食個早餐捧下場， 早餐碟頭夠大， 出品亦都唔錯， 雖然價錢唔算平，但環境搭夠， 坐得舒服，有天花吊扇，夠涼爽。

第二晚再落嚟試呢度嘅疫情外賣， $205三個餐，大件夾抵食。（可惜餓得滯冇影相） 羅宋湯夠曬足料， 羊扒夠淋，有羊味唔騷，黑松露炒意粉好香口， 龍蝦湯天使麵略嫌淋咗啲， 不過或者太好生意，侍應只畀得一個湯， 麵包亦忘記放進去， 扣少少分， 不過只是忙中有錯， 問題不大。