影片
更多
2016-05-07
1167 浏览
尋日無啦啦有朋友打嚟話今晚去食放題喎！得閒無咩嘢做就試下寫下食評啦～講真我都唔係成日食，眼闊肚窄咁但係朋友叫就梗係去架嘛～lol 等佢地食多啲～今日去咗間新開嘅放題試下，入到去人唔係好多，地方乾淨企理（無影相@@）。不過如果唔係特登試新嘢其實都未必會揾到呢度，外面未有廣告牌。一坐低waiter就好熱情咁叫我地出去攞嘢飲，呢度放題係包任飲汽水或者紙包飲品（總之無酒嘅，酒要另外計）。有樣嘢好得意，就係我地個位側邊有個架，係放咗啲sailor moon, gundam模型喺度lol!!!（又係無影相）攞完嘢飲waiter就攞咗啲頭盤嚟⋯⋯佢地嘅頭盤係⋯⋯帶子，蠔，魷魚仔，仲有蝦—係俾我地燒架喎！好彩找朋友無當啲魷魚係刺身。咁我地諗住食咗刺身先所以就任得呢幾盤嘢放喺度先，反正都有冰可以擺一陣。然後我朋友就即刻喪點刺身，佢真係喪點lol！我地差唔多每樣刺身都點20件，最後系統送單嗰時係百幾件嘅數量咁send lol！當我地order咗，waiter就嚟咗架刺身船俾我地⋯⋯我地即刻笑咗，啱啱先點咗百幾件刺身hahahahahhaha！不過唔緊要，刺身反正都係要食嘅～食完刺身船之後我地就諗住燒咗啲頭
講真我都唔係成日食，眼闊肚窄咁但係朋友叫就梗係去架嘛～lol 等佢地食多啲～
今日去咗間新開嘅放題試下，入到去人唔係好多，地方乾淨企理（無影相@@）。不過如果唔係特登試新嘢其實都未必會揾到呢度，外面未有廣告牌。
一坐低waiter就好熱情咁叫我地出去攞嘢飲，呢度放題係包任飲汽水或者紙包飲品（總之無酒嘅，酒要另外計）。
有樣嘢好得意，就係我地個位側邊有個架，係放咗啲sailor moon, gundam模型喺度lol!!!（又係無影相）
攞完嘢飲waiter就攞咗啲頭盤嚟⋯⋯佢地嘅頭盤係⋯⋯帶子，蠔，魷魚仔，仲有蝦—係俾我地燒架喎！好彩找朋友無當啲魷魚係刺身。
咁我地諗住食咗刺身先所以就任得呢幾盤嘢放喺度先，反正都有冰可以擺一陣。
然後我朋友就即刻喪點刺身，佢真係喪點lol！我地差唔多每樣刺身都點20件，最後系統送單嗰時係百幾件嘅數量咁send lol！當我地order咗，waiter就嚟咗架刺身船俾我地⋯⋯我地即刻笑咗，啱啱先點咗百幾件刺身hahahahahhaha！
不過唔緊要，刺身反正都係要食嘅～食完刺身船之後我地就諗住燒咗啲頭盤佢啦，咁就開爐⋯⋯與此同時，我地order嗰堆刺身都嚟咗，佢真係我地點20件就嚟20件！然後又掙扎啦，究竟繼續食刺身好定燒頭盤好，最後都決定燒頭盤先！
佢送嗰啲蝦係超級新鮮，好鮮甜～
烤帶子同烤蠔都唔錯，烤魷魚仔又係超好食，本身食咗舊係無點醬，但點咗少少醬原來仲好食！
之後又繼續喪食刺身，然後就睇下部機有無咩小食叫⋯⋯（都未叫燒肉又食其他嘢⋯⋯）
俾我地發現咗邪惡嘅榴槤炸彈，一口芝士同埋芝士年糕！
有榴槤炸彈呀！！！！！！仲要係真係榴槤香而唔係嗰啲香精或者唔係真係榴槤做嘅味！好好好好食！一口芝士又係，嘩！超香！軟綿綿咁！芝士年糕就無咁淋有啲口感～
跟住入番正題食燒肉啦⋯⋯但係我地已經開鈶有啲飽，所以都點唔多，所以就揀啲靚嘅（我估）嚟食，安格斯嘅牛小排！另外朋友點咗個韓式腩肉條⋯⋯
安格斯真係安格斯，係好香好好味呀個牛小排，真係要話好有牛味lol！韓式腩肉條就係啲醃料係韓式（我估係韓國辣醬掛），係一條咁上好似韓燒嗰啲咁，所以要問waiter攞剪刀。（本身叫我fd幫我影咗先燒架啦，點知佢話剪完條腩肉影會靚啲係都要遲啲影，結果我地又剪到一忽忽lol，所以都係直接食咗佢算！）
之後我地就勁吹水，都停晒手⋯⋯真係好飽⋯⋯臨尾有送雪糕，同埋攞嘢飲個櫃隔離有啲大福同泡芙都係任食嘅！
Overall用料好好可以再去，另外佢個抽風真係要讚，我食完都唔會聞到自己個身有味，超強⋯⋯之前去有啲煙霧彌漫到成個仙鏡嗰啲真係唔敢再去⋯⋯
40 浏览
1 赞好
0 留言
45 浏览
0 赞好
0 留言
40 浏览
0 赞好
0 留言
36 浏览
1 赞好
0 留言
55 浏览
0 赞好
0 留言
44 浏览
0 赞好
0 留言
64 浏览
0 赞好
0 留言
36 浏览
0 赞好
0 留言
张贴
