太元樓

今日去北角城市花園睇樓，睇完樓唔知食乜好，經過呢間貼左紅紙既餐廳，阿囡被隻乳鴿吸引住，拉左入我地入去食晚飯。

黃金薰蛋，有薰過既香味，糖心蛋灑上淮鹽，入口醇香美味。

妙齡乳鴿，開張優惠28蚊，點都要叫返隻黎食喇，皮脆肉嫩，又香又惹味。

辣子雞丁，勁多辣椒，雞丁嫩滑，腰果香口，辣度適中，雞丁分量超多。

杞子桂花糕，清甜桂花香。

紅棗心太軟，呢款上海甜點，每次食上海菜都必點，紅棗去核夾住糯米粉團，甜糯香軟風味十足。