大良八記一向比我既感覺都係一間好舊既糖水鋪
點知上星期竟然見到間鋪大革新...裝修仲好新穎...仲大大隻字寫住半價三天
好!見晌附近返左工幾年都無食過~就試下啦
雖然鋪內都算好人...但好彩都搵到一個位坐
打開個menu....嘩.....咩咁似許留山
唯一唔同就係有湯水飲
見呢期忙到死咁dry就叫返盅
一個好似中學生既員工推介左個日月魚湯(全名太長唔記得喇)
個湯飲落好濃魚味...魚都煲到溶曬...仲有淡淡既藥材味
湯渣唔算多, 但食落都幾好味...又會乾到o趙唔到...最仲要唔會有d碎骨拮到口
個menu度有寫埋唔同湯有咩功能
但我當然又係唔記得個功效係咩啦
雖然而家無半價...但應該仲有下次既...等我試埋甜品糖水果d再上黎report
ps...間鋪可能新開張, 落單上菜可能亂左少少~不過我估間鋪上左軌道應該會有改善
