兩個人食晏，點心叫左三款，加一碟飯：
冬荀鮮蝦餃
蝦餃size ok而且唔易散，蝦都爽既，但係味精落得比較勁囉。
香滑麻蓉包
現今好少酒樓會做，元朗總店都好似唔做。隻包冇濕水，麻蓉係乾果隻style而唔係「滑」，份量夠，仲有多少咬感。
奶皇水晶包
同元朗果間比，差天共地，個皮唔晶瑩又厚，奶皇餡稀湯湯，一pat野咁。
大榮華炒飯
一貫交足貨招牌水準，但係價錢貴過元朗，而且細碟少少。本來想試「經典炒飯」，但係又唔知係乜，部長話即係「楊州炒飯」不過冇蝦，要唔要試大家自己諗下啦。
順帶一提灣仔店下午二時開始下午茶，有特價點心每款8蚊咖！
