影片
更多
2021-04-17
10014 浏览
位於The Upper House 頂層嘅Salisterra早前試業，有幸拉到表妹衫尾去試試。用餐前儀式感十足，首先穿過高檔的太古廣場，入到酒店後經過長長的扶手電梯再搭𨋢上到49/F, 一出𨋢就見到呢條彷似去朝聖一般嘅走廊，好似入左去就會抵達另一個國度一樣。穿過走廊，見到一片開揚維港海景，餐廳裝修以大地色系為主，設計好有太古廣場延伸嘅感覺，新穎但不浮誇。氣氛舒服，適合三五知己邊吹水邊享受美食。聽職員講，餐廳原來落左好多功夫減廢，其中一樣就係餐廳內自設濾水設施，除左係現場提供乾淨食水，同時減少樽裝水包裝運輸等嘅碳排放。講完隨即自家製麵包送到，包面用蒜、鹽焗脆，內裡亦都見到不少氣孔，外脆內軟。小弟不好酒精，叫左杯 Horchata, 入口有杏仁奶嘅滑、米嘅醇、肉桂嘅香。前菜有火炙鯖魚，燒過之後去左一啲腥味，燒出魚油香味，加埋醃青瓜同capers，酸甜醒神。另外番茄加上其清湯清新開胃，酸種麵包粒帶黎爽脆口感。意粉試左兩種，貝殼粉配龍蒿同蛋黃、小龍蝦Ravioli。Ravioli 較為特別，做得十分飽滿，驟眼睇以為係鮑魚。主菜一雞一牛。牛仔肉炭燒厚切，搭配羊肚菌同Parmeson，肉嫩味香、
位於The Upper House 頂層嘅Salisterra早前試業，有幸拉到表妹衫尾去試試。
用餐前儀式感十足，首先穿過高檔的太古廣場，入到酒店後經過長長的扶手電梯再搭𨋢上到49/F, 一出𨋢就見到呢條彷似去朝聖一般嘅走廊，好似入左去就會抵達另一個國度一樣。
穿過走廊，見到一片開揚維港海景，餐廳裝修以大地色系為主，設計好有太古廣場延伸嘅感覺，新穎但不浮誇。氣氛舒服，適合三五知己邊吹水邊享受美食。
聽職員講，餐廳原來落左好多功夫減廢，其中一樣就係餐廳內自設濾水設施，除左係現場提供乾淨食水，同時減少樽裝水包裝運輸等嘅碳排放。
講完隨即自家製麵包送到，包面用蒜、鹽焗脆，內裡亦都見到不少氣孔，外脆內軟。
179 浏览
1 赞好
0 留言
147 浏览
0 赞好
0 留言
小弟不好酒精，叫左杯 Horchata, 入口有杏仁奶嘅滑、米嘅醇、肉桂嘅香。
Horchata
$90
228 浏览
0 赞好
0 留言
前菜有火炙鯖魚，燒過之後去左一啲腥味，燒出魚油香味，加埋醃青瓜同capers，酸甜醒神。
Flamed Saba Mackerel
$195
158 浏览
0 赞好
0 留言
另外番茄加上其清湯清新開胃，酸種麵包粒帶黎爽脆口感。
Pranzanella, Fromage Frais
133 浏览
0 赞好
0 留言
意粉試左兩種，貝殼粉配龍蒿同蛋黃、小龍蝦Ravioli。Ravioli 較為特別，做得十分飽滿，驟眼睇以為係鮑魚。
Sopressini
$285
133 浏览
2 赞好
0 留言
Langoustine Ravioli
$465
149 浏览
0 赞好
0 留言
Langoustine Ravioli
$465
157 浏览
1 赞好
0 留言
主菜一雞一牛。牛仔肉炭燒厚切，搭配羊肚菌同Parmeson，肉嫩味香、一咬即化，加條長蔥食別有一番風味，只係無咩炭燒味，同個名不太夾。燒雞上面有蜜糖豆蘿蔔沙律（不是我口味但處理上是可以接受的），雞肉嫩滑，醃製檸檬去除油膩感，加埋有少少炭燒味（反而寫明chargrilled 嘅牛冇），味道十分平衡。
Chargrilled Veal Chop
$475
144 浏览
0 赞好
0 留言
Grilled Poussin
153 浏览
0 赞好
0 留言
甜品叫左Warm Rice Pudding，可以話係完美地為今餐作結。暖暖rice pudding上有honeycomb, 加左脆脆口感，柑帶黎生果香甜，中間creme fraiche 雪糕就融入冰凍口感，渾然一體，必食之選。
Warm Rice Pudding
153 浏览
0 赞好
0 留言
成餐飯每道菜式都唔會有一兩種味道特別搶fo, 反而所有材料味道融和，成為自己別樹一幟嘅味道。嘩眾取寵難以恆久，反而呢種踏實嘅功架先可以長青。
张贴
