芳華絕代 (已結業)

訂位真係好重要，甘就可以減少等位既時間！今日係lunch time去食，佢地有提供午餐menu，平均$60/份，包飲品，特色飲品需要另加錢，menu上寫得好清楚各款既價錢！我地嗌左一個小食，兩個午餐。開邊香茅雞翼，整得唔錯，外脆內滑，同泰式辣醬超夾！椰子雞湯車仔金邊粉 （牛腩+豬頸肉+札肉），湯底好香椰子味帶點酸酸的！牛腩好軟身，豬頸肉普普通通，扎肉就有少少辣辣地，應該係放得比較多黑椒/胡椒。整體唔錯！豬頸肉炒金邊粉，炒得幾香，我個人麻麻地Pad Thai，所以唔評啦😂香茅馬鞭草綠茶，依個茶又幾好味，辣辣地，我諗會好岩係冬天飲！