茶餐廳2.0 (已結業)

去完荃灣買嘢後就順便係個頭搵食啦！因為都買咗好多野，所以都想食平啲啲，就決定去食茶餐廳啦！呢度雖然係茶餐廳，但裝修比一般茶餐廳靚好多的，特別係牆上嘅壁畫！🥰❤️呢度嘅套餐分別有中式同西式的！而我哋就叫咗兩個西式晚餐，分別係美國安格斯肉眼扒同黑松露雜菌珍珠帶子意大利飯，因為跟餐叫特飲可正價減$10，所以我哋叫咗珍珠奶茶同蒟蒻奶茶！另外套餐仲跟餐湯的！以茶餐廳嚟講食物賣相都算幾靚的，肉眼扒肉嫩易切，以百零蚊嘅價錢來講，算交足功課！而個飯都好精緻的，味道泊得住某一些西餐廳的！最特別係有台式飲品飲！最後見到有好多人都點左份雞蛋仔甜品，而且每份都唔一樣，個賣相都幾靚的，原來配料係可以自選，難怪有咁多人食呀！正呀！ 💛💛💛