鋿晶館 (上水匯) (裝修中)

📍 鋿晶館呢間粵菜館遍怖新界港九，最近開到黎上水～餐廳座位好寬敞，坐得幾舒服～價錢方面都幾街坊價，就入去試試佢！😈🐠川國鮮香酸菜魚魚嘅肉質幾好，幾嫩滑，而且冇魚骨😆味道上幾惹味，酸味同辣味配合得好好，更加突出魚既鮮味！份量亦都好足料，亦都有唔少配菜：豆卜、酸菜同埋木薯粉；豆卜吸收曬酸菜魚既湯汁，而木薯粉既份量多，口感較軟糯，飽肚感十足！啱曬同朋友share 食😋🐖意大利黑醋咕嚕肉平日食開酸甜既糖醋咕嚕肉，今次就試下黑醋味～醬汁比較稠身，肉好掛汁～肉質方面，食落好爽口，選用左梅頭肉，有一定既咬口😋黑醋獨特既香味，更加突出咕嚕肉既味道👅🍔厚切脆炸魚柳菠蘿包賣相好掂🤩一上枱已經瘋狂打卡😆Burger 用左菠蘿包幾特別！菠蘿包係新鮮熱辣焗起，金黃色既外皮好eye catching !!! 另外，魚柳好大塊，脆感十足🤤質感軟嫩～炸粉唔厚，所以食落去啖啖肉😈🍹椰汁紅豆冰 $38紅豆冰就飲得多，但賣相咁靚既就少見～一瓣玫瑰花🌹放係紅豆冰上面，用左紅豆蓉🫘製作既，同朋友未飲已經瘋狂打卡；椰汁就正正常常，但值得讚嘅係紅豆好綿密，值得一試！⭐️好味指數： 8.5/10📍 鋿晶館 (上水)上水龍琛路48號上水