蟹粉拌麵蟹粉份量足，撈勻之後每啖麵都掛滿蟹黃，香味濃郁，值得一試。
呢道女兒紅醉蝦嘅酒香真係夠突出，我自己就幾鍾意佢浸得入味嘅濃郁酒味。蝦肉依然保持到爽甜，不過如果係怕酒味太重嘅朋友，建議可以唔好點咁多汁～
椒鹽大鮑魚外層炸得香脆，裡面保持到鮑魚嘅鮮嫩，椒鹽調味剛剛好。
粉紅佳人 (龍蝦肉餃)：一籠三件，皮薄餡多，真係食到龍蝦肉，口感同味道都唔錯。
潮汕海水炸乳鴿皮脆肉嫩，價錢合理，係一道穩陣嘅小食。
梅汁金不換沙白：沙白肉質肥美，鹹酸菜酸甜開胃，幾有特色。
潮汕落湯錢糯米皮煙韌，五仁粉香口，傳統風味做得幾好。
今餐人均大概$300左右，食物質素好，環境同服務都令人滿意。如果想同朋友食餐舒服嘅晚飯，呢度係個唔錯嘅選擇。已經諗緊下次再嚟試其他菜式！
