獅叔 (已結業)

聽聞係旺角The Forest 1樓有間風味獨特嘅新加坡及馬來西亞菜 獅叔。店舖裝潢走年輕摩登時尚風格，無論枱、櫈、餐具以至牆身裝飾，四周都顏色鮮豔😍。星加坡辣椒蟹肉配四件饅頭 $168饅頭炸得非常鬆脆，星加坡辣椒醬惹味香口😋，加上勁多蟹肉🦀，配埋饅頭一齊食，味道鮮香微辣，十分惹味🤤。辣死你媽 $118個名好嚇人🤣，其實唔係好辣🥰。雞髀勁大隻啖啖肉，表面炸得非常香脆，肉質嫩滑又juicy，加埋香口嘅花生、魚乾仔及秘製參巴辣椒醬，香脆香口香辣，餸飯一流😋。馬來甘香炒啦啦 $128蜆肉🦪厚身飽滿，加入香茅、辣椒和檸檬🍋調製成檸檬啦啦汁一齊炒，味道鮮香微辣又清新，令人越食越想食😋。咖央蘋果脆金寶配雪糕 $78自家製椰子雪糕，椰味🥥香甜，質感幼滑，金寶焗得十分香脆，又灑上好多香脆嘅椰絲，冷熱交融，椰味十足，香口又好食😋。虎咬獅凍 $46美祿加咖啡，味道有啲似Mocha，口感幼滑甜度啱啱好😍。椰皇 $42食完咁多辣嘢，解辣一流😋。