諾亞半熟蛋糕專門店 (已結業)

好友肥糖姐生日，我哋成班 fd 上佢屋企同佢慶祝，我就身負重任去買蛋糕，我見成日食黎食去都係果啲，襯今次不如齊齊試新嘢。呢間餅店蛋糕搵咗隻明星貓做代言人，同埋蛋糕款式比較新穎，我當然要買壽星女最鍾意果款草莓芝士溶心蛋糕啦，店員好細心問我路程有幾遠，幫我加乾冰，仲提醒我未食就先放雪櫃，食前10分鐘擺室溫就可以有流心效果。肥糖姐見到個蛋糕當然好鍾意啦，蛋糕面舖滿红紅的草莓，好鮮甜，下面係一層草莓啫喱，酸酸甜甜，之後就係溶心芝士，非常creamy，最底層係的朱古力蛋糕，朱古力味唔太突出，但整體都係好好味。