譚仔三哥米線 (逸東商場)

营业中

休息中

今晚唔想煮飯，行過譚仔三哥見到出左新款米線，所以就入去試一試佢。新款米線入面有龍蝦丸，酸菜同魚片，原本呢個餐跟既湯底係煳麻湯底，但今日我想食啲酸既野，所以就叫左普通酸辣湯底。估唔到酸辣湯底又同呢款米線幾搭，感覺好似去左食酸菜魚米線咁。酸菜酸酸甜甜，非常之開胃，同酸辣湯底十分夾。魚片冇骨，十分彈牙，龍蝦丸亦都唔錯。湯底方面，除左酸味之外，仲有少少辣，岩晒食唔到太辣但想食辣既朋友仔。另外叫左黎食譚仔必點既土匪雞翼，襯佢熱辣辣個陣食，真係一流架。