更多
2013-02-03
2588 浏览
最近系香港天际万酒店嘅 Facebook 专页玩游戏，找出两张图片中该酒店新春下午茶嘅不同之处，有幸成为得奖者，获得新春下午茶两位，真系劲开心。酒店位于机场附近，近亚洲博览馆。我们坐地铁东涌线去东涌站，再转酒店嘅免费穿梭巴士到达。穿越巴士嘅候车处系地铁站 A 出口，向左边行出少少，就会看到有一条柱贴上来往酒店嘅巴士时间表，𠮶度就系排队嘅地方。穿越巴士来往东涌站和酒店系 30 分钟一班车。我们就坐 14:15 的一班车，大概十分钟嘅车程，就到达酒店门口。而酒店门口亦提供来往酒店和迪士尼乐园，及来往机场客运大楼一号及二号，所以交通也尚算方便。一进酒店门口就已经看到酒廊，即系我哋 High Tea 嘅地方，而酒廊嘅右边就系餐厅。在酒廊嘅左边系接待处，而再行入啲就有一个好似纪念品嘅商务中心，内里有各式各样嘅纪念品之外，还有常见嘅杯面，而且要 $30 一杯！商务中心较入嘅位置有个电脑角落，提供电脑及打印等服务，而电脑上更有 Web Cam，方便客人使用。而商务中心隔离更有柜员机，可以话系设备齐全。由于下午茶是由三点开始，于是去问问酒廊嘅职员可否先进内，我们被安排在窗边嘅位置，除了可以望到海之外，
酒店位于机场附近，近亚洲博览馆。我们坐地铁东涌线去东涌站，再转酒店嘅免费穿梭巴士到达。穿越巴士嘅候车处系地铁站 A 出口，向左边行出少少，就会看到有一条柱贴上来往酒店嘅巴士时间表，𠮶度就系排队嘅地方。穿越巴士来往东涌站和酒店系 30 分钟一班车。我们就坐 14:15 的一班车，大概十分钟嘅车程，就到达酒店门口。而酒店门口亦提供来往酒店和迪士尼乐园，及来往机场客运大楼一号及二号，所以交通也尚算方便。
一进酒店门口就已经看到酒廊，即系我哋 High Tea 嘅地方，而酒廊嘅右边就系餐厅。在酒廊嘅左边系接待处，而再行入啲就有一个好似纪念品嘅商务中心，内里有各式各样嘅纪念品之外，还有常见嘅杯面，而且要 $30 一杯！商务中心较入嘅位置有个电脑角落，提供电脑及打印等服务，而电脑上更有 Web Cam，方便客人使用。而商务中心隔离更有柜员机，可以话系设备齐全。由于下午茶是由三点开始，于是去问问酒廊嘅职员可否先进内，我们被安排在窗边嘅位置，除了可以望到海之外，亦望到港珠澳大桥嘅工程，工程用嘅大圆筒，船只靠泊嘅码头，行李货物上落及吊运嘅过程，仲有几个货柜和泊车嘅地方，呢个景观令我觉得好似系公司餐厅食紧 Tea 嘅感觉，哈哈。另外亦不时见到有飞机经过，会勾起我想去旅行嘅意欲。
餐厅酒廊设计简约，梳化位令人坐得舒适，由于全是落地玻璃，直接用日光，到傍晚时分才用灯光，橙色嘅灯光加上玻璃镜面反射，成个感觉都唔同晒。而酒廊门口摆放了新春下午茶嘅餐牌和一个样本，客人可以看完再决定是否选择这个 High Tea Set。餐厅内人流不太多，以游客为主，有些在闲聊，有些在打机，有些在闭目养神。
其实新春下午茶 High Tea 系香港天际万豪酒店为咗迎接蛇年嘅来临，推出嘅贺年应节美食系列其中之一，其他嘅应节食品就有常见嘅贺年糕点，新春菜式及 XO 酱。新春下午茶 High Tea 和西式嘅 High Tea 一样，用上三层高嘅金属架，不过摆放嘅食物就系十多款嘅中式糕点，酥点，咸点及点心，有『盘满砵满，步步高升』嘅意思。而下午茶更提供精选茗茶供大家选择，有清香及浓香乌龙茶：大红袍 (Great Red Robs)，乌龙 (Oolong)，有绿茶及白茶：洞庭碧螺春 (Bilouchun)，银针白毫 (Silver Needles) 及花香茶：菊普 (Chrysanthemum)，茉莉花香片 (Jasmine Green Tea)。系等待食物嘅时候，我哋两个都拣咗洞庭碧螺春 (Bilouchun)，职员各自奉上一壶茶，系一人一壶，还为我们倒茶。洞庭碧螺春系中国十大名茶之一，系绿茶嘅一种，不过除此之外，我就不太清楚，因为平时少饮茶，没有太多研究。这杯茶嘅颜色淡黄，很清澈，饮起来香气浓郁，而味很醇。
转眼间，新春下午茶 (Fortune High Tea Set) 就放系眼前，又系我哋拍照嘅时候，三层高嘅金属架，最顶嘅一层有一个小蒸笼，笼内放咗两款饺，而中间放咗像两朵花嘅酥点，而另一边就放咗两件多士。第二层就放咗两条锦鲤糕点，笑口枣和油角。最底一层就有炸馒头，马仔和杨枝甘露。由于太肚饿，我哋正式开餐喇！
全年好市饺 (Steamed Shrimp dumplings with dried oysters)大大只蚝鼓放系饺子上，未食都觉得好吸引！饺子皮系云吞皮，皮很薄很滑，而馅料系虾肉，虾肉弹牙爽口，不错不错！蚝鼓好肥大，身圆胀胀的，棕色得来色泽鲜明，食落好有蚝嘅鲜味，好好味，好正！
我哋仲不停 Refill 呢个全年好市饺，我一共食咗 5 只呀！哈哈！而我们增添嘅全年好市饺，似乎系即场再蒸，热呼呼的饺子比较软身，而且蚝鼓个样唔同咗，无咁胀，而且啲蚝边会绕起，点解呢两款蚝唔同样，有咩分别呢？问咗好多人都未知答案，可能要问番大厨先得。不过食落依然蚝味十足，真系食到停唔到口，系 Refill 嘅必然选择！
恭喜发财饺 (Steamed chicken dumplings with black mushroom and sea moss)顾名思义，发财饺就有发菜，不过最令人印象深刻嘅系长长嘅杞子。恭喜发财饺系用虾饺皮，橙色嘅饺子有点像金元宝，另外有鲜露荀点缀，卖相也很精致。馅料系用鸡肉和冬菇碎做成，食起来好多汁，加上杞子，发菜和露荀，味道清新，系 Refill 嘅第二选择，我食咗两只呀。
多福多寿虾多士 (Deep-fried toast with shrimp mousse in smoked salmon premium xo sauce)虾多士很香脆，而多士上大大块虾蓉肉系配上天际万豪酒店自家制嘅烟三文鱼 XO 酱。第一次见用烟三文鱼做 XO 酱，原来系大厨嘅精心研制，用烟三文鱼再加上瑶柱，泰式虾膏油酱，指天椒同豆瓣酱等配料，果然与别不同。虾蓉食落好弹牙，加上虾多士上有芝麻， 再配合淡淡嘅 XO 酱味，很香口惹味，我们也添食咗一次！
笑口常开笑口枣 (Crispy sweetened sesame flour puff)
好耐无食过笑口枣，平时除咗婚宴之外，都唔会特别叫来食。不过新春美食又点少得笑口枣 ，笑口枣上满布芝麻，食落好香好松化。
龙马精神脆马仔 (Classic honey-glazed flour pieties)今日食嘅甜点都系我平时唔会叫嚟食嘅，马仔就系其中一样，用鸡蛋，面粉同蜜糖为主嘅马仔对我来说吸引力不大，食落甜度适中，不过不失。
黄金满屋馒头 (Golden crispy bun served with condensed milk)
金色嘅炸馒头好吸引，外脆内软，加埋炼奶一齐食，系最好嘅配搭。
盘满砵满甜油角 (Deep-fired peanut dumplings)
油角又系好耐都无食过嘅贺年食品之一，油角皮松脆，内里啖啖粒粒花生芝麻，食落好香口。
花开富贵牡丹酥 (Lotus puff)橙红色和黄色嘅酥皮面包住馅料，就好似一个含苞待放嘅花，颜色鲜艳。层层酥皮好松化，馅料甜而不油腻。不过我留意到餐牌英文系用 Lotus (莲花)，而唔系用 Peony (牡丹)。
年年有余椰汁糕 (Chilled coconut pudding)
用椰汁糕制成的立体锦鲤，有『年年有余，鲤跃龙门』嘅意思， 两只锦鲤都做得栩栩如生，意头十足。椰汁糕很清甜，可以食晒成条锦鲤也唔会济。
杨枝甘露 (Chilled mango cream with sago and pomelo)细细杯嘅杨枝甘露，芒果和柚肉也很鲜甜，味道不错，如果不是已经食得好满足，我们都打算添食呢个糖水。
这个新春下午茶意念创新，大厨精心设计合适嘅应节食品和配上好意头嘅名，很有心思。由于贺年美食大多以煎炸烹调，而且可以独立摆在架上嘅食物款式可能不多，所以餐牌中无可避免地以炸物为主，一次过食可能会比较油腻，幸好可以配上中国茗茶，中和消滞感觉。值得留意嘅系新春下午茶星期六，日及公众假期系由下午三点至五点九，五点半就是 Last Order，每位 HK$218，另加一服务费，而且系可以无限量添食架。总括而言，餐厅环境尚算清静，服务态度和食物质素也不错，系周末闲聊嘅好地方。如果有机会都想试佢哋嘅贺年糕点和其他菜式。
张贴
