影片
更多
2021-10-08
31 浏览
鮮入為煮呢間野，幾年前已經見過旺角登打士街有一間，嗰時已經好想食，但因為太多人等位所以放棄，點知佢喺尖沙咀開咗鋪，點都要去試一試。佢間鋪坐落於繁華嘅厚福街，上去有清晰指示，一去到件都唔係好多位，但勝在啲位都闊落，坐得幾舒服。第一次食就梗係要試吓佢嘅花膠雞湯，見到原隻半隻雞浸住喺湯入面，侍應仲好好服務咁，自動幫手剪隻雞，值得一讚！隻雞好滑，啲肉好爽，好有鮮味，唔似嗰啲雪藏雞咁。至於個湯好甜，好香花膠味，個湯仲有一塊塊花膠，好抵食！齋飲湯邊度夠，梗係要試吓佢嘅牛肉啦，原本想試封門柳，但點知賣晒，唯有今次試左安格斯先，食落肉質爽口，都唔差，再叫埋個烏冬，襯返花膠湯，真係好夾好好味。埋單講緊每人都係二百零蚊，認真都抵食！
佢間鋪坐落於繁華嘅厚福街，上去有清晰指示，一去到件都唔係好多位，但勝在啲位都闊落，坐得幾舒服。
第一次食就梗係要試吓佢嘅花膠雞湯，見到原隻半隻雞浸住喺湯入面，侍應仲好好服務咁，自動幫手剪隻雞，值得一讚！隻雞好滑，啲肉好爽，好有鮮味，唔似嗰啲雪藏雞咁。至於個湯好甜，好香花膠味，個湯仲有一塊塊花膠，好抵食！
齋飲湯邊度夠，梗係要試吓佢嘅牛肉啦，原本想試封門柳，但點知賣晒，唯有今次試左安格斯先，食落肉質爽口，都唔差，再叫埋個烏冬，襯返花膠湯，真係好夾好好味。
埋單講緊每人都係二百零蚊，認真都抵食！
张贴
