玉葉越式料理

营业中

休息中

新商場開幕，貪食仔特登走黎睇睇，順便食個飯。拎左飛行左一個圈就有位，坐二人卡位爽呀！星期日都有午市套餐。點左越式碟頭飯同墨魚餅撈檬，撈檬好快上檯，但個飯就等左勁爆耐，催左好多次先有。碟頭飯有太陽蛋、札肉同豬扒，豬扒幾香口入味，札肉都ok，但飯量太少，同埋等既時間實在太耐。檬粉既墨魚餅份量亦好少，得四個半塊，炸得有點over左，檬粉量亦好少。跟餐有杯飲品，食完成個餐唔算飽，而且見到樓面職員有點亂，可能因為新開既關係，唔夠熟練。總括而言，餐廳性價比唔高。