影片
更多
2019-08-09
4076 浏览
壽司廚師發辦就食得多，中日泰式廚師發辦簡直聞所未聞，朋友力推之下半信半疑地黎叫左十二道精選晚餐 ($328/位)，雖然平日未算爆滿，但話哂係酒店出品應該唔差掛。先黎三款前菜，鰹魚昆布煮花螺幾新鮮彈牙，如果有俾埋叉就更佳；鮑魚肝蟹籽沙律有鮑魚肝獨有既香味得黎唔算好腥，蟹籽同青瓜夾埋口感好有層次；煙燻蛋有糖心，十分入味又夠香。清酒藥膳糟滷冰鎮鮑魚如預期般有酒香，嫩滑軟腍。 留意到呢度既冷盤大部分都係室溫上菜，如果更冰凍就更好。冰封蕃茄漬意外地幾有心思，選用左巨峰提子汁做醃料，雖然蕃茄本身唔係超甜既日本品種，製成蕃茄漬後充滿香甜又天然既提子味，感覺好清新特別。黑湯浸鴨血從來唔多好鴨血，惟有台式火鍋既鴨血入得口。 估唔到呢度鴨血都有咁上下水準，完全冇怪味，嫩口又滲入哂黑湯既辣味，惹味非常。黑椒元蹄大大隻豬手已經炆到唔洗用力都輕易分開到，雖然厚肉但都好入味，最鐘意豬皮富膠質又唔會油膩，養顏之選。天婦羅龍躉斑塊併粟米汁矜貴版粟米斑塊冇令我失望，龍躉斑塊幼嫩有彈性，粟米汁似粟米濃湯，即時感覺高級不少。花膠椰子燉烏雞湯首先用料已經全部係我至愛，啖湯甜到個個都爭任添飲，真材實料。 不得不讚真係幾靚料，連
先黎三款前菜，鰹魚昆布煮花螺幾新鮮彈牙，如果有俾埋叉就更佳；鮑魚肝蟹籽沙律有鮑魚肝獨有既香味得黎唔算好腥，蟹籽同青瓜夾埋口感好有層次；煙燻蛋有糖心，十分入味又夠香。
清酒藥膳糟滷冰鎮鮑魚如預期般有酒香，嫩滑軟腍。 留意到呢度既冷盤大部分都係室溫上菜，如果更冰凍就更好。
冰封蕃茄漬意外地幾有心思，選用左巨峰提子汁做醃料，雖然蕃茄本身唔係超甜既日本品種，製成蕃茄漬後充滿香甜又天然既提子味，感覺好清新特別。
黑湯浸鴨血從來唔多好鴨血，惟有台式火鍋既鴨血入得口。 估唔到呢度鴨血都有咁上下水準，完全冇怪味，嫩口又滲入哂黑湯既辣味，惹味非常。
黑椒元蹄大大隻豬手已經炆到唔洗用力都輕易分開到，雖然厚肉但都好入味，最鐘意豬皮富膠質又唔會油膩，養顏之選。
天婦羅龍躉斑塊併粟米汁矜貴版粟米斑塊冇令我失望，龍躉斑塊幼嫩有彈性，粟米汁似粟米濃湯，即時感覺高級不少。
花膠椰子燉烏雞湯首先用料已經全部係我至愛，啖湯甜到個個都爭任添飲，真材實料。 不得不讚真係幾靚料，連椰子都清埋，花膠亦屬中等貨色，絕對回到本。
清酒火焰煮鮮貝人大左最愛浮誇表演環節，一黎就著哂火咁的確打卡一流。 大大隻蜆肉飽滿，好濃酒香，鮮味滿分。
蒜蓉大蝦荷葉飯去到呢步已經飽到食唔落喇，荷葉飯上面鋪滿顏色鮮豔既開邊蒜蓉大蝦，俾面食左一隻都幾新鮮。
芝麻味雪糕食得出自家製既濃郁味道，有奶香又芝麻味濃，心滿意足。
食物有心思之外，值得一讚環境幾好坐，服務又貼心，見隔離台開左好多酒邊飲邊傾嘆足全晚，適合朋友聚會。
张贴
