川粵 (淘大商場1期) (已結業)

最近淘大新開左呢間賣川菜的鋪頭，仲有我最愛既酸辣粉，當然要試下😍鋪面睇到一盆一盆小菜好整齊咁show出黎比人睇，望落好乾淨好吸引· 酸辣粉$39配萵筍$8、手撕雞絲$15、雞腎$15薯粉好彈牙，配料有芫荽、香蔥、花生、肉碎、菜甫，今次叫左小辣，覺得唔太辣，下次可能會試下中辣· 酸辣蘿蔔條（小食) $22平日最鐘意食酸野既我表示好喜歡呀🥰見到佢有辣椒係到，但食落就一啲都唔辣🤣不過就好酸，食酸辣粉咁重口味食番一條蘿蔔條即刻感覺無咁油膩· 麻辣蓮藕片（小食）$28麻辣味唔重，辣度亦唔高，唔怕太辣食唔到，蓮藕片好爽脆，份量爆盒咁濟