永年士多 (香港逸東酒店)

营业中

休息中

終於係依頭開咗永年士多喇，諗住外賣番屋企食~ 一入黎就見到個超靚嘅車仔檔打卡佈景，整得好寫實。米線配4個餸，分別有豬紅、牛肚、牛筋、蜂巢豆腐。牛肚好香淋，豆腐非常吸汁。豬手蝦籽撈麵，加配墨魚卷。豬手有5件，件件有肉有骨膠厚皮。墨魚卷彈牙。見到有辣串串，係懷舊香港特色黎，以前最中意宵夜督番幾串。要咗combo set，有魚蛋、魷魚、牛柏葉、豬大腸，唔會太辣，個醬係特調，超香濃，特別係牛柏葉好掛汁。酸齌，酸酸甜甜，好開胃。抹茶紅豆冰，半杯都係紅豆粒。用料十足，抹茶味好清香。佐敦分店仲有送明信片活動添，遊客不妨可以黎試下~