影片
更多
2010-09-24
127 浏览
6月29日, 因為要去IMAX睇戲, 今晚就黎咗megabox食飯, 似乎冇黎一排, 又多咗幾間新食肆~ 揀咗幾間港式餐廳之後, 決定食呢間日播夜播”太興everyday”, 好似為咗改革而大灑金錢嘅燒味連鎖店~::: 青芥辣忌廉汁焗燒肉飯 + 羅宋湯 ::: $48跟咗個羅宋湯, 小小辣好吊味, 雜菜都好豐富, 味道偏濃, 如果之後個飯好淡都好可能食唔出味… 好在之後叫嘅焗燒肉飯味道更濃~ 燒味配獻汁真係冇乜邊間食店做, 而大膽地以wasabi忌廉配燒肉, 就更加估佢唔到~ 焗出黎香味撲鼻, 綠綠嘅wasabi汁加焗到微燶嘅飯好色彩繽紛~ 首先一定要講個汁真係超吸攻鼻! 食第一啖唔小心中咗招, 估唔到味道咁激而大咳特咳… 食多幾啖習慣下先冇事~ 味道唔差, wasabi同忌廉配燒肉都幾夾wor, 燒肉焗完以為好會淋, 但係食落反而仲幾彈牙, 而驚喜個燒肉仲好脆添! 個飯焗得好乾, 有d飯焦感覺, 只有汁而冇水, 所以做到好杰嘅效果~ ::: 濃香咖哩牛腩飯 + 冰鎮奶茶 ::: $45名副其實, 咖哩真係又濃又香! 呢隻咖哩滿有馬來風味, 味道濃惹帶微辣, 有少少沙嗲口感. 咖哩汁非
::: 青芥辣忌廉汁焗燒肉飯 + 羅宋湯 ::: $48
跟咗個羅宋湯, 小小辣好吊味, 雜菜都好豐富, 味道偏濃, 如果之後個飯好淡都好可能食唔出味… 好在之後叫嘅焗燒肉飯味道更濃~ 燒味配獻汁真係冇乜邊間食店做, 而大膽地以wasabi忌廉配燒肉, 就更加估佢唔到~ 焗出黎香味撲鼻, 綠綠嘅wasabi汁加焗到微燶嘅飯好色彩繽紛~ 首先一定要講個汁真係超吸攻鼻! 食第一啖唔小心中咗招, 估唔到味道咁激而大咳特咳… 食多幾啖習慣下先冇事~ 味道唔差, wasabi同忌廉配燒肉都幾夾wor, 燒肉焗完以為好會淋, 但係食落反而仲幾彈牙, 而驚喜個燒肉仲好脆添! 個飯焗得好乾, 有d飯焦感覺, 只有汁而冇水, 所以做到好杰嘅效果~
::: 濃香咖哩牛腩飯 + 冰鎮奶茶 ::: $45
名副其實, 咖哩真係又濃又香! 呢隻咖哩滿有馬來風味, 味道濃惹帶微辣, 有少少沙嗲口感. 咖哩汁非常杰身, 好容易就可以包圍晒d野食, 不論沾牛腩或者撈飯食都十分出色~! 牛腩炆得好嫩, 完全唔韌, 而且肉味香濃~ 超讚!!! 不得不提d外脆內軟嘅薯仔, 撈埋咖哩汁食超惹味~ 呢個哩腩飯真係令人想一吃再吃!
招牌冰鎮奶茶更加無得彈!! 味道香濃, 奶味醇厚滑溜, 茶味濃郁~ 完全保留到熱奶茶嘅香濃味道! 直頭覺得佢濃到可以一杯開兩杯, 就咁飲晒成杯真係可以當埋甜品!
當舊式食物遇上新做法, 總要時間等人接受, 如果做唔起就只有被淘汰. 但見太興越做越大, 佢地嘅改革應該算係成功~ 要讚嘅係佢勇於創新之餘亦努力保持到舊有食物嘅水準, 不論普通嘅咖哩牛腩飯或者奶茶都做得比其他地方優勝~ megabox呢間夜晚唔多人, 服務都可以接受, 唔想食大家樂都可以洗多幾蚊黎食個新世代燒味~
张贴
