影片
更多
2019-09-12
337 浏览
呢日去咗嘉咸街睇壁畫，要遠離紛紛擾擾嘅是非，需要搵個好地方透透氣，沿路有各種嘅溫馨場景，行一陣都覺得幾治愈感。行返落去時途經這家店，睇落有似曾相識嘅感覺，於是就行咗入去休息吓。餐廳裝潢清麗雅緻，入咗去有種舒心感，好適合坐低飲杯嘢。呢個時候，除咗飲嘢，唔少得叫啲開心野食啦。班蘭班戟 $132班戟擺盤賣相吸引，頂層係班蘭味糖絲，質感同龍鬚糖相似，下面兩層夾住微酸爽脆嘅青蘋果粒同淡忌廉。旁邊嘅伴碟有焦糖粒、新鮮士多啤梨同藍莓。班蘭糖絲耐咗會潮濕，要趁早食，以免黏埋一舊。班戟班蘭味好香，質感鬆軟，如要甜啲，自己可以加糖漿。新鮮百香果梳打$48紫紅色嘅百香果，加上綠色薄荷葉，襯埋淺黃嘅百香果梳打，靚。梳打內有新鮮百香果肉，飲落清新，芳香微酸醒神，啖啖都啜到果肉，好正。半個百香果梗係要食埋佢，鮮香開胃，平日都會買嚟食架。後來先至諗返起，原來幾年前幫襯過。
要遠離紛紛擾擾嘅是非，
需要搵個好地方透透氣，
沿路有各種嘅溫馨場景，
行一陣都覺得幾治愈感。
行返落去時途經這家店，睇落有似曾相識嘅感覺，
於是就行咗入去休息吓。
餐廳裝潢清麗雅緻，入咗去有種舒心感，
好適合坐低飲杯嘢。
呢個時候，除咗飲嘢，
唔少得叫啲開心野食啦。
班蘭班戟 $132
班戟擺盤賣相吸引，頂層係班蘭味糖絲，
質感同龍鬚糖相似，
下面兩層夾住微酸爽脆嘅青蘋果粒同淡忌廉。
旁邊嘅伴碟有焦糖粒、
新鮮士多啤梨同藍莓。
班蘭糖絲耐咗會潮濕，要趁早食，以免黏埋一舊。
班戟班蘭味好香，質感鬆軟，如要甜啲，自己可以加糖漿。
新鮮百香果梳打$48
紫紅色嘅百香果，加上綠色薄荷葉，
襯埋淺黃嘅百香果梳打，靚。
梳打內有新鮮百香果肉，飲落清新，芳香微酸醒神，
啖啖都啜到果肉，好正。
半個百香果梗係要食埋佢，鮮香開胃，平日都會買嚟食架。
後來先至諗返起，原來幾年前幫襯過。
张贴
