美心西餅 (已結業)

話說美心西餅又出新產品 - 斑蘭蛋糕.先講外型,可以話同天使蛋糕魔鬼蛋糕如出一轍,都係一個大環狀; 不過缺少一層cream,只有一個綠色的環.一打開個盒,勁香斑蘭味; 切落去個蛋糕軟腍腍得令我有少少驚訝...要讚係個蛋糕質地鬆軟得就似個sponge cake,難得又唔會太乾,完全就係我鍾意的蛋糕質感!不過問題係,一放入口陣斑蘭香就消失得無影無蹤,真係變成一個純正sponge cake,只有蛋香味... 雖則有蛋香係好,但我應該係食緊個斑蘭蛋糕喎...睇番美心最近的蛋糕出品,無論天使魔鬼抑或斑蘭,走的都係簡約路線,著眼點都係放係個蛋糕的texture以及面層的cream,唔會有花巧賣相.