一茶詞 (已結業)

前兩日同老公約咗friend去太子食飯，朋友未到就去聯合廣場行下先，原來嗰附近開咗好多間台式飲品嘅鋪頭，見其中一間裝修同佈置都係走文青風格，仲有位可以坐下，佢嘅門口亦貼左張OpenRice 10大好評餐廳，就一於試吓你先。我地點左兩杯嘢飲同一個小食火焰焦糖珍珠鮮奶 - 依個應該係呢度嘅鎮店之寶，同類型飲品黎計，係我喺香港入面飲過最好飲。一般市面上嘅都係用黑糖，我個人認為就太甜亦都太Heavy。佢嘅焦糖會喺上面用火燒一燒，令到嘢飲上面會有一層薄膜，好飲度爆燈荔枝滿滿 - 我老公就點左杯荔枝滿滿，令人驚喜嘅係入面唔係用椰果或者蘆薈，而係有原粒嘅荔枝，大粒得黎亦非常清甜。暖心芝士脆 - 最後我哋重點左一款小食，芝士脆即係nachos, 我老公就最鍾意食，最吸引嘅就係上面鋪滿濃厚嘅芝士醬，上面仲插着一支心型嘅白色竹竿。原來係驚我哋唔夠芝士醬點，心形入面嘅芝士醬原來係可以唧出嚟嘅～!用埋IG 優惠，仲可以每杯平$3 ，下次等我行過再試吓其他口味先～!