(5 😍 係滿分，🤩係半分)
焦糖香蕉樹頭麵包🍯🍌🪵🍞 - $118 (好味指數：😍😍😍😍🤩)
焦糖香蕉🍯🍌、無花果、藍莓🫐、楓糖🍁、伯爵茶意式雪糕☕️🍦
黎到呢到一定要試下呢個招牌，好多枱都有叫😍 樹頭麵包🪵🍞係用長法包🥖浸泡喺蛋奶液🥚🥛一段時間，跟住再攞去焗，有啲似平時食開既西多士🥞同麵包布丁🍞🍮，但呢個口感更加豐富，外皮焦脆，裡面細嫩甜香，濕潤又有幾濃既奶香🥛同蛋香🥚～
配埋有焦糖脆皮既香蕉🍯🍌，脆口香甜，另外仲有 earl grey gelato☕️🍦，茶香突出，有清新芳香既佛手柑🍊香味，質感綿密軟滑，主要因為Gelato🍦既製作溫度🌡️比較高，有負12至負14度，令味道出啲同層次豐富啲，而且攪拌速度比較慢，唔會打咁多空氣，出黎既雪糕🍦更加柔滑同埋密度高啲～ 旁邊仲有無花果同埋藍莓🫐，幾清新～ 最後如果唔甜既話，可以自己落香甜既楓糖漿🍁，幾好既係自己可以調教甜度，同埋又唔會提早浸到個包🪵🍞淋晒，小編落晒就覺得甜度啱啱好，整體口感豐富香口，好食😋 份量亦都夠兩個人食😜 如果楓糖漿🍁既味道可以有濃郁啲既楓樹🍁木香，口感就會再特別啲，另外上枱既時候如果個樹頭麵包🪵🍞再熱啲，個冷熱相差大啲個層次會再豐富啲
開心果牛油果奶昔 🥑🥛 - $52 (好味指數：😍😍😍🤩)
無諗過開心果可以配牛油果🥑，大家都係綠色之餘味道好和諧～ 因為有牛油果🥑，所以口感會
creamy啲，有淡淡既開心果堅果味🌰，不過唔夠甜，所以有啲澀味同草青味🌱，而且開心果既味道唔夠出，突出唔到開心果本身既甘香香醇，唔肯定係用既開心果唔靚，定係品種唔好，另外質地rich過頭有啲杰左啲，飲到一半有啲漏
芒果士多啤梨奶昔 🥭🍓🥛 - $48 (好味指數：😍😍😍🤩)
呢個配搭幾常見，飲落有淡淡既果香，口感順滑又rich，味道唔會靠人工香料，但係芒果🥭理應香味誘人，有濃郁既甜香，而士多啤梨🍓理應清香，酸酸甜甜，但呢兩種生果🥭🍓既甜香都唔出，味道比較普通，另外奶香🥛唔夠出所以有啲失望
1
好味指數：😍😍😍😍
推介指數：😍😍😍😍
