哥哥添飯•妹妹泡茶 (已結業)

事緣係幾日前搭車經過觀塘，見到有間新開嘅餐廳位於創紀之城，於是今日忍唔住，落車過嚟試吓，估唔到又真係幾正幾好味！有意外嘅驚喜🥰🥳今日同朋友夜晚過咗嚟觀塘食依間新開嘅台式餐廳，嚟到餐廳感覺非常舒服，好有日式嘅模印感覺，裝修好簡潔乾淨，同時又可以打卡，啱晒我啲港女🤣而且嘢食好抵食，仲整到好靚，淨係觀感都加晒分👍🏻🌸首先我叫咗兩個小食，一個係黃金脆炸單骨雞翼，另外一個係夜市小香腸，兩樣都係台灣嘅必食美食，估唔到餐廳可以做返台灣嘅水準，單骨雞翼好香嘅鹹蛋黃味，而且夜是小香腸超有口感💕另外叫咗兩個晚市套餐一個係破布子煎封比目魚配蟹肉菠菜比目魚超級嫩滑，仲要煎到好香口😘另一個係養生花雕雞醉盤，裏邊有花雕雞同埋燙青菜🥬花雕雞簡直係意外中嘅驚喜！雞肉超級嫩滑，好香清酒味😚⭐️另外仲叫咗一杯先手工制芋丸奶茶，另外一個百合蓮子燉椰汁🥥高質嘅享受！