不過今次食就有少少少少失望，原來食物質素都幾參差🤔
— — — — — — — — — — — — — — — — — — —
呢日我叫咗一個晚市套餐嘅【原盅燉湯定食套餐】，包上湯浸時蔬及原盅燉湯
【原盅燉湯定食套餐：酥炸排骨滷肉飯】$76
以呢個價錢黎講，有埋湯同菜，其實幾抵食，而且個湯係真材實料，睇圖都見到有成兩隻雞腳，又有瓜，飲落唔覺好重味精味，呢個燉湯真係唔錯👍🏻👍🏻
但係個酥炸排骨就有少少令人失望，因為排骨嘅肉比較少，基本上食炸粉多個食肉，但係我見到隔離果枱都叫左酥炸排骨，人地個排骨係好似豬扒咁完整一塊，唔似我果碟得一小撮嘅肉🥲 但係個蜂蜜芥末醬係加分嘅，沾一沾個醬，芥末醬中和到炸排骨嘅油膩感。
而滷肉飯嘅滷肉都好夠味，分量都夠撈晒成個飯，仲有冬菇粒，食落多一種菇香味。
— — — — — — — — — — — — — — — — — — —
【紅燒腱心牛肉麵】$71
牛肉有5大塊，重有紅蘿蔔同白蘿蔔，牛肉都幾大塊，肉質偏軟，亦滷得幾入味。牛肉麵最重要就梗係個湯底啦，呢碗牛肉麵嘅湯底夠晒濃郁，湯底除咗有紅燒牛肉嘅香味，仲食到蘿蔔嘅清甜。而個麵底都幾煙韌，吸到哂d 湯汁。
