板長壽司 (昌記大廈) (已結業)

長假期下晝5點冇人，每個位都痴住‘安心出行’。QR code 落單算方便，但唔知點解係咁彈404，用左佢地個wifi都仲係咁。最尾落唔到單只可以俾部電話佢地去落單，但最後都係漏左幾樣，要另外再加。出餐速度都快，服務態度都算幾好。鰻魚如圖1超厚超juicy肥美。鵝肝邊邊好脆，都厚既，但唔香，仲有啲油益味咁，麻麻地。和牛同玉子都係好味既，燒帶子就冇乜鮮味（好似直頭冇乜味咁）。醋鯖魚入口即融調味啱啱好呢個最抵食～最尾重新落單既牛舌都好好味，好香，口感彈牙，不過略嫌油多左啲啦。