濃湯雞專門店 (已結業)

一向钟意饮鸡汤，见到office附近有专门食鸡＋鸡汤，就谂住嚟试下。第一次嚟，叫咗个砂锅云吞鸡配红薯粉。红薯粉唔系我以为𠮶种螺旋形幼薯粉，总之食落似粉丝。鸡汤同鸡件都偏淡，冇乜味，建议如果煮𠮶阵唔想咁浓味，至少喺枱面放D调味料，等客人自己调味。鸡件好多👍，食落都算OK，唔算好柴。云吞有2只，唔同馅，一只菜肉，一只应该系虾＋唔知咩菜😂，都算唔错。服务态度都算ok,我一开始叫咗罐汽水冇嚟，同佢讲佢都有say sorry（是的，我要求就系咁低）。总之，钟意淡口嘅可以嚟试，不过钟意浓味鸡汤嘅就要考虑下。