立体派拉麵 (棉登徑) (已結業)

其实我本人就唔系话好钟意食拉面，但有一次去日本旅行食到一间非常好食嘅鸡白汤拉面，令我爱上左依只味道。今次嚟到尖沙咀觅食，知道立体派呢间拉面专做鸡白汤，就决定去一试啦！我哋两个人就分别叫咗两款拉面，除咗叫招牌嘅特级白汤拉面之外，我哋仲试咗海体酱油汤。先讲讲个招牌作品啦。果然冇令我失望，白汤有好浓嘅鸡味，绝对食得出佢系真嘅鸡煲出嚟🤣 浓郁得来又唔会好重口味，唔会有平时食猪骨汤嘅油腻，会有清新嘅感觉，呢个亦都系我钟意食鸡白汤嘅原因！而且拉面亦都可以同店员讲想要硬身定系软身，另外拉面配嘅糖心蛋亦都做得好好，腌得够入味。另外酱油汤底配嘅猪腩肉都好有惊喜，表皮烧得几香，而且非常大件！最后讲吓我哋叫嘅小食，佢嘅炸鸡好鬼多汁而且一定一定系即炸嘅，呢啲就一定有保证啦～ 韭菜饺都系佢哋自己手作嘅，煎得香脆之余又唔㶶。不过我就建议大家唔好叫两样都系肉嘅小食，因为佢拉面已经好多肉啦。可以试吓佢嘅菠菜！饮品方面我哋就叫咗乌龙茶，系平时出面买唔到嘅日本茶，都几特别㗎！