緣聚 (已結業)

好耐冇食日式放題，新年假期同朋友去放肆一下，由中午12點可以食到3點，食足三個鐘，$258，已經有120品可以任點，朋友見可以加 $168，升級任食生蠔🦪、拖羅、鮑魚、毛蟹🦀、甲羅燒、鮑魚、海膽手卷，最重要佢係勁鍾意食榴槤，我又好想食蟹，所以我地就升級食豪D，主攻升級食物😂當然仲會點下刺身，串燒、天婦羅、炸物、茶碗蒸、清酒煮蜆…. 即點即制，有溫度先食一打生蠔🦪回本先，生蠔係兵庫縣室津生蠔，肉爽帶甜而不鹹。拖羅刺身最肥美，入口即溶，如果厚切仲正🤣要 encore 再encore。其他刺身三文魚吞拿魚甜蝦都唔錯，食左2 round。北海道蒸毛蟹，有少少羔，肉甜。磯燒鮑魚煮得入味。蟹味噌蟹肉甲羅燒，蟹羔味道濃郁。牛舌、羊扒烤到剛好，調味到位。西京燒比目魚肉質好滑。甜品細細件，可以試多幾款，芝士撻味道濃郁。朋友係榴槤控，食咗好多泰國D24榴槤，榴槤炸彈，榴槤雪條，值回票價。