大喜屋

小弟嘅食量比較大所以經常會食放題，但一間好嘅放題有咩條件?除咗食物質素種類外上菜速度和有冇漏單都好重要，大喜屋完全符合條件。

清酒

葡萄美酒

飲品方面要落單並非自助，多咗清酒梅酒但無咗桃啤和椰青水，除外仲有啤酒氣水,時令果汁和特飲(葡萄美酒,粉紅飛飛和幻彩霓裳)其中葡萄美酒有酒精成份但唔高，就算唔飲酒都啱飲

1

刺身

食放題必定要叫刺身，大喜屋嚟得又快又齊

海膽手卷

炙燒壽司

拖羅軍艦好正

比朋友食咗一件，唯有就位影

大喜屋壽司水準有時仲高過出面壽司店，至於海膽手卷唔知係未另一分店殿.大喜屋太好食搞到好似差咗

一定要食❤

自助餐攻略提過，其實肉類方面其實係回本之選，所以一定要推介呢道沖繩黑糖薄燒牛仔肉，牛肉燒到7成熟，加上甜甜嘅醬汁， 切到薄薄一片又唔韌，最緊要食唔飽人多多都唔怕

香草羊架

羊架係另外一道回本之選，但其實之前仲有一道芥末焗羊架仲好食，肉嫩多汁不過可惜無咗!(強烈要求大喜屋重新推出)

香辣魔鬼珍寶蝦

香辣魔鬼珍寶蝦，味道唔錯不過孤寒咗啲!比得一隻蝦咁大把

冬陰功海鮮

冬陰功海鮮十分足料，除外熱食仲有天婦羅,炸物,煮物及串燒等等，值得推介有如馬拉盞芥蘭,豉椒炒花甲,首爾人蔘雞鍋,川味口水鴨舌.... 實在太多不能盡錄

至於甜品都係要落單，哈根達雪糕每人限叫一杯
相比下大喜屋食材不及另外三間分店華麗，刺身無拖羅或池魚，更加無凍海鮮。不過服務更勝一籌而且都冇漏單， 環境舒適坐得舒服，最重要係抵食