屋子 (已結業)

放工後臨時同朋友約出去tea下。朋友推薦屋子。之前未嚟過，嚟到之後發現個環境好chill,冷氣好够涷，啱曬咁熱嘅天氣嚟避暑。諗住tea都係食下輕食。每人叫咗一件蛋糕加杯嘢飲。我哋叫咗草莓焙茶戚風蛋糕，草莓純白蛋卷。嘢飲方面就叫咗白桃烏龍茶，粉紅玫瑰紅茶。兩件蛋糕都深得我心，好鍾意草莓純白蛋卷佢中間嘅cream好滑又唔令人覺得好膩，加埋少少草莓好fresh。焙茶戚風蛋糕面頭嘅cream類似奶蓋嘅質地，但係佢好light,完全零負擔嘅感覺，好食😋如果茶味重少少就更加啱我口味。一啖蛋糕一啖茶，咁就過個下午，好正😊