喜利餅店

星期日，完咗event收工，已晚黑10點幾。平時極少去呢頭，作為新界人，對呢間餅店認識亦唔多😅

本來只係hea下渾下吉，所以問老闆收工未，怕阻佢，老闆幾親切話等埋人先收。望下望下，醒起過兩日去台灣探朋友，咁不如買啲手工嘢做手信。本來想買曲奇，但又好似冇乜特別，又怕碎，最後買咗幾重嘅花生朱古力。又見到雞蛋餅及鳳凰卷，童年回憶返晒嚟。返到屋企急不及待開雞蛋餅食，好脆口、濃濃蛋香又唔太甜，好正。鳳凰卷就未食。出年過年，賀年食品，又多一間選擇。