醉胡爐 (已搬遷) 新店位置

今日放工同朋友happy hour，黎到尖沙咀打個靚邊爐，打邊爐湯底都好緊要，我地就嗌左個雞翅鍋，好足料，裡面仲有個魚翅瓜添呀。啲雞有事前斬左件，水滾後整散佢煮多陣就食得。店員仲好細心幫手剪開啲魚翅瓜，食落一梳一梳嘅肉好正。呢個係牛骨牛汁丸，呢隻啲肉汁多到，好似潮州牛丸咁，有牛味。黑松露墨魚丸爽口彈牙，黑松露味濃，不錯不錯。呢個豬拼盤幾得意，特別介意返蝴蝶腩，食落爽爽地，有咬口，肉味濃。紫菜炸響鈴真係無得輸，就咁食定係浸湯食都係一絕，重點係上菜時係熱辣辣架。