更多
2021-04-04
63 浏览
放工后相约朋友去饮酒食串烧。铜锣湾区选择都算多,见到呢间餐厅有吧枱有普通座位,倾偈饮嘢较随意,感觉舒服!叫咗啤酒,天气开始,热饮啤酒好爽!食物分别叫咗唔同款式。海鲜类拣咗铁板帆立贝及烧蚝。帆立贝煎得几金黄,而且有调味。大大粒有水准!烧蚝望落个样普通,但系食落味道有惊喜!好有鲜味,饱满多汁,饮啤酒食好正!叫咗个广岛烧相对地饱肚,好似日式烧饼咁。有叉烧、腊肠、芫荽、虾米及肉松,系日式做法,但系港式材料,好特别!最后叫咗鸭肝炒饭,份量都几多。炒饭够干爽,粒粒饭炒得好分明,唔错!饮下酒,每样食啲,好满足!
张贴