尖沙咀凱悅酒店咖啡廳

難得平日放假，所以同朋友去左尖沙咀凱悅酒店食下午茶。係kkday到買大約係$570蚊一個tea set～好多酒店既下午茶都係西式為主，但呢排凱悅酒店promote緊港式既下午茶點心，好特別！成個set分別有四款鹹點同六款甜點，鹹點非常有驚喜，四款都好好食！最中意佢地個鮑魚蘑菇撻，鮑魚煙韌彈牙，下面既撻皮非常鬆脆，加埋啲鮮美既醬汁，令成件事唔會太膩。至於甜品方面，就比鹹點遜色得多啦，有幾款甜品都太甜，食到好膩，Scone好乾（可能趁熱食會好啲）。六款甜點入面最好食既係草莓拿破崙，入面既custard香滑，唔會太甜，配埋酥脆分明既酥皮， 中和左甜品既飽滯感覺，非常出色！另外酒店環境清靜、舒適，好適合同閨蜜傾計，係傾計既好地方。Staff親切有禮，服務態度良好。下次一定會再黎！