叉燒先燒到8,9成熟，再係你面前加酒，即刻燒俾你食，視覺加味覺的雙重享受！叉燒面少少焦焦的，脆脆地好好味！個燒肉就好普通，同平時出面食既一樣。
椒鹽鮑魚，好大隻🤤 冇諗過炸完都仲可以保持到鮮嫩，同埋煙銀嘅口感，一個字 正呀！
乞兒雞，以前食過嘅乞兒雞，雞肉都比較乾身。但呢隻雞非常鮮嫩多汁，啲雞汁直頭多到可以當湯咁飲🤣 上枱時成隻上，比客人親自扑開去，有得玩有得食。
牛膝，燜得超林超入味，食到唔停口
過橋東昇斑，魚肉超滑，上湯有超濃，忍唔住食咗三四舊
用紅肉火龍果整嘅咕嚕肉，有別於其他用山楂，呢碟咕嚕肉嘅酸甜味合到好處👍🏻
總結，十分好味道，但價錢偏貴，不過勝在整個用餐體驗都好好，每一碟菜式嘅賣相都好靚，而且服務又非常貼心☺
