匡智小館 (已結業)

因選擇困難症而不經不覺從中環行到上荷李活道大館。 喺炎熱天氣底下見到呢間HC Bistro 有位便即時入座。打開menu 見到一款叫D 倉咖喱雞，賣相非常配合附近的環境，於是叫咗一客。先送上餐附送的湯和麵包，其實兩樣都小弟都唔係特別喜好，不過因為好肚餓所以好快就已經KO左。咖喱雞上枱與餐牌中的一模一樣，真係同這個以前係監倉的環境非常配合。咖喱係比較接近印度/南亞式，香料比較多，好適合大熱天時食。印度薄餅外脆內軟。伴碟嘅生果究竟算唔算係飯後果呢？不過撈埋咖喱食可以中和咖喱嘅辛辣。當天氣冇咁熱嘅時候一定會再來。